गोरखापत्र लोकसेवा प्रश्न — Set 9

संयुक्त राष्ट्रसङ्घको आह्वानमा हरेक वर्ष मार्च २२ लाई विश्व पानी दिवसका रूपमा मनाइन्छ । यसको मुख्य उद्देश्य स्वच्छ खानेपानीको पहुँच र संरक्षणका लागि सचेतना फैलाउनु हो ।

पोखरामा आयोजित २१ औँ नेपाल खुला प्याराग्लाइडिङ च्याम्पियनसिप २०२६ मा भारतीय पाइलट अक्षय कुमारले पुरुष एक्युरेसी विधामा प्रथम स्थान हासिल गरेका हुन् । यो प्रतियोगिता नेपालको साहसिक पर्यटन प्रवद्र्धनमा महत्वपूर्ण मानिन्छ ।

सन् २०२६ को विश्व खुसी सूचकाङ्कमा नेपाल ९९ औँ स्थानमा रहेको छ । नेपालको कुल स्कोर ५.१४७ रहेको छ भने यो प्रतिवेदन दिगो विकास समाधान नेटवर्क (SDSN) ले सार्वजनिक गरेको हो ।

नइ प्रकाशनद्वारा घोषणा गरिएको नइ कपिल प्रज्ञा पुरस्कार २०८२ बाट अम्बिका अर्याल र त्रिभुवन बरईलाई संयुक्त रूपमा सम्मानित गरिएको हो । यो पुरस्कार नेपाली साहित्य र संस्कृतिको क्षेत्रमा योगदान पु¥याउनेलाई प्रदान गरिन्छ ।

नेपाली कम्पनी एमएडब्लु अर्थ मुभर्स प्रालिले सन् २०२६ को दक्षिण एसियाली क्षेत्रको उत्कृष्ट डिलर 'डिलर अफ दी इयर' अवार्ड प्राप्त गरेको हो । यसले निर्माण उपकरण र हेभी इक्विपमेन्टको क्षेत्रमा उत्कृष्ट कार्य सम्पादन गरेको आधारमा यो सम्मान पाएको हो ।

हरेक वर्ष मार्च २४ मा विश्व क्षयरोग दिवस मनाइन्छ । सन् १८८२ मा डा. रोबर्ट कोचले क्षयरोग गराउने कीटाणु पत्ता लगाएको दिनको सम्झनामा यो दिवस मनाउने गरिएको हो ।

ललितपुरको जावलाखेलस्थित सदर चिडियाखानामा हाल ११२ प्रजातिका जीवजन्तु संरक्षण गरी राखिएको छ । यसको व्यवस्थापन राष्ट्रिय प्रकृति संरक्षण कोष (NTNC) ले गर्दै आएको छ ।

स्वास्थ्य बिमा सेवालाई थप व्यवस्थित र एकीकृत बनाउन राष्ट्रिय परिचयपत्र नम्बर (NID) प्रयोग गर्नेसम्बन्धी सम्झौता विसं २०८२ चैत्र २ गते भएको हो । यसले सेवाग्राहीको पहिचान र तथ्याङ्क व्यवस्थापनमा सहजता ल्याउने विश्वास गरिएको छ ।

विसं २०८२ को प्रतिनिधि सभा निर्वाचनमा छ वटा राजनीतिक दलले राष्ट्रिय दलको मान्यता प्राप्त गरेका छन् । ती दलहरूमा रास्वपा, नेपाली कांग्रेस, नेकपा (एमाले), नेकपा, श्रम संस्कृति पार्टी र राप्रपा रहेका छन् ।

संयुक्त राष्ट्रसङ्घले हरेक वर्षको अप्रिल १५ लाई 'अन्तर्राष्ट्रिय आरोग्य दिवस' (International Wellness Day) का रूपमा मनाउने निर्णय गरेको छ । यसको उद्देश्य मानिसको शारीरिक र मानसिक स्वास्थ्य सुधारका लागि चेतना फैलाउनु हो ।